《解構產科神秘面紗之六-催生二》
上回講到催生都有好多風險，
但點解仲要挺而走險去叫媽媽催生呢？
其實有d 時候，
個bb未生得出，
繼續留係子宮入面係比出左世先更為危險，
但當然係冇其他選擇下先咁做喇
以下就係需要催生既例子喇：
1）過期居留
預產期即係由最後一次經期第一日（LMP)計起，
第40週果日就係預產期喇，
可能bb都覺得媽咪子宮太舒服、暖笠笠，又可以游水，
所以有d bb都唔肯係預產期內出黎，
但問題就黎喇！
好多研究都發現胎盤超過42週係會老化既，
老化左既胎盤會退化，
bb係入面既營養同埋氧氣供應有機會唔夠，
即係監生焗親佢，
焗親既話bb就會賴屎，
情況就好似臨窒息前唔覺意放鬆左括約肌咁，
bb係胎水入面痾左屎，
自己係會吸返入肺同食返架，
對bb係有危險既，
所以係預防佢焗親前寧願拎佢出黎先
「同埋呀bb：
你知唔知媽咪既產假係好好好好好矜貴架！
得10個星期架咋！
放產假既第一日（足月既話）你就好乖乖地出黎喇！
你想唔想多d有得埋身飲奶先？
你想唔想媽咪多d時間陪你先？
想就唔好學人過期居留喇」
我知呢d係好多媽媽既心聲！我幫你地講埋！唔駛多謝🤣🤣🤣
#催生
#仲有未講完
#咁真係有好多情況要催生架嘛
#希望等你地多d認識喇
#like埋我ig
#hkmidwife
#like完share埋就錫哂你地喇
Search